Главная 
ТВ-каналы 
Фильмы 
Ещё 
Əziz Məmmədov
8 фильмовВсе фильмы
2019 Əlvida, Şmidt! Etnik alman Emil Şmidtin başına gələn maraqlı əhvalatlar bizi gülməyə və
Kədərlənməyə, həyəcanlanmağa və sadəcə həyatın manasını, adi insani dəyərləri,
vǝtənə məhəbbəti və əlbəttə ki, azadlıq haqqında düşünməyə məcbur edir.
'Əlvida, Şmidt!' rəngarəng personajlarla, doğma Azərbaycanın əsrarəngiz təbiəti
Ilə, yeni məcaralarla ve unudulmaz təəssüratlarla dolu olan yerli yol filmidir. 
2011 Buta Film böyük sevgi - insana və Allaha məhəbbət haqqında pritçadır. Baş qəhrəmanlar həyat yolunun lap başlanğıcında olan uşaqlardır. Azyaşlı Butanın bəxti daha çox gətirib - onun müdrik müəllimi var. Maye halında sabun satan qoca. O, hər işdə Butaya kömək edir. Köhnə dəyirmanı bərpa etmək isə onun ən böyük arzusudur. Buta isə dağın başında ancaq quş uçuşu hündürlüyündən görünə bilinəcək buta naxışını qurmaq istəyir. Paxıllıq edən kənd uşaqları ona mane olurlar. Sabun istehsalçısı olan şirkətin nümayəndəsi kəndə məhsullarını reklam etməyə gəlir və yerli qız Qönçəyə vurulur. Qöncə sevgilisinə qovuşmaq üçün toxuduğu - “həyat xalçasını” tezliklə bitirməlidir. Bir neçə xətt paralel sonlanır. Qönçə “həyat xalçasını” bitirir, Buta öz butasını tamamlayır, qoca da köhnə dəyirmanı bərpa edib ... əbədi yuxuya gedir. 
2016 40-ci paraleldə 40-cı paraleldə kinoalmanaxı 4 qısametrajlı bədii filmdən ibarətdir: “Postskriptum”, “Onun atası”, “Hədiyyə” və “Qara bağ”. Kinoalmanax 2016-cı ildə 'Azərbaycanfilm' kinostudiyasında istehsal edilmişdir. Filmdə əsas rolları Azər Aydəmir, Ayşad Məmmədov, İlqar Safat, Şamil Süleymanlı, Fateh Tahirov, Məbud Məhərrəmov, Ülviyyə Rza, İlahə Həsənova, Qorqud Cəfərli, Şamil Süleymanlı, Elxan Abbasov, Vidadi Əliyev və Rasim Cəfərov ifa edirlər.
Postskriptum- Film “Nobel qardaşları” kompaniyasının Bakıdakı fəaliyyətindən bəhs edir. Film Nobellərin kiçik qardaşı Robertin Bakıya ilk səyahəti, Bakı nefti ilə tanışlığı və onların şəhərdə bundan sonrakı fəaliyyətini özündə əks etdirir.
Onun atası - Psixoloji dram janrında lentə alınan “Onun atası” filmi, Qarabağ müharibəsinin cəmiyyətə vurduğu fəsadlardan bəhs edir. Ailə başçısı olan jurnalist vətənini ailəsi qədər üstün tutaraq müharibədə iştirak etməyə qərar verir. Filmin əsas süjeti ilə bağlı olan, döyüşlər zamanı itkin düşən jurnalistin axtarışları zamanı ailəsinin və yaxınlarının keçirdiyi həyəcan və müharibənin cəmiyyətə mənfi təsiri də təsvir edilir.
Hədiyyə - Yenicə ailə qurmuş iki gəncin sosial problemi fonunda sevgi hekayəti təsvir olunur. Maddi çətinliyi olan ailənin kirayə pulunu ödəməyə, yeni ilə təsadüf edən evliliklərinin ildönümünə hədiyyə almağa imkanları yoxdur. Gənc qadın saçını kəsib, ərinin sevimli qızıl saatına qolbaq, kişi isə saatı satıb sancaq alır.
Qara bağ - “Qara bağ” dilək ağacına bağlanan “qara düyünlər” mənasındadır və Azərbaycanın əbədi-əzəli torpağı olan Qarabağla bağlı hadisələr onun vasitəsilə filmin ümumi kontekstinə köçürülür. Film məcburi köçkünlərin hal-hazırkı yaşayış tərzini, Qarabağ həsrətini bir sıra metaforik simvollarla realizə edir.
Qarabağdan olan yaşlı qaçqın (Vidadi Əliyev) itirilən torpağın xiffətini çəkir. Həkim övladlarına onun xərçəng olduğunu, ömrünə az qaldığını deyir. Oğul atasının ömrünü uzatmaq üçün telekanallardan birində Qarabağın sülh yolu ilə alınması haqda xəbər verdirir. Amma sevindirici xəbər həyəcanlanan qocanın ölümün tezləşdirir. Rejissor metaforlardan yararlanıb, dilək ağacına bağlanan qara parçalardan ibarət düyünlər problemi ifadə edir, finalda düyünləri bağlandığı ağacın tumurcuqlanmasıyla tragizm nikbinlyə köklənir. 
2013 Dərvişin qeydləri Film XIX əsrin əvvəllərində Azərbaycan xanlıqlarının süqutunun başa çatdığı ərəfədə baş verən hadisələrdən bəhs edir. Hadisələr Azərbaycanın ikiyə bölünməsi dövrünə təsadüf edir.
Filmin çəkilişləri Salyanın Ceyran düzü ərazisində, Şəki, Pirəkəşkül və Bakıda aparılıb.
filmin işçi adı “Dərvişin ölümü” olub. 
2008 Düyün Filmin qəhrəmanı 15 ildir atasını görmür. Ölüm ayağında olan atası ilə vidalaşmaq üçün ailəsini götürüb ucqar kəndlərinə tələsir. Uşaq ikən belə atası ilə ünsiyyəti az olan qəhrəman vidalaşmaq üçün yetişə bilmir, ancaq dəfnə çatır. Atasının vəfatından psixoloji şok keçirən qəhrəman bunun nəticəsində etiraflarını dilə gətirir, katarsis keçirir, mənəvi saflaşır.
Beləcə, filmdə ümumbəşəri atalar və övladlar probleminə toxunulur. 2008 Yalançılar Dul qadın xoşbəxtliyini axtarır. O, tənhalıqdan qurtulmaq üçün yenidən ailə qurmaq istəyir, bunun üçün də internetdən istifadə etməyi qərara alır. 
2014 Mən evə qayıdıram 'Mən evə qayıdıram' filmi 1990-cı illərədən bəhs edir. Film hərbi vətənpərvərlik mövzusunda, real hadisələr əsasında çəkilib. Film Azərbaycanın ən çətin illərində rus ordusunda xidmət edən Tərlan Seyidzadənin qəhrəmanlıq hekayəsindən bəhs edir. 85 dəqiqə sürən 'Mən evə qayıdıram' filmində ilk dəfə Azərbaycan hərbi hava qüvvələrinə (HHQ) məxsus qırıcı təyyarələrin səmada düşmən texnikası ilə mübarizəsi əks olunub. 
2009 Ağ-Qara Gecələr Xəyanət və nifrətin yer aldığı qeyri-real və fantasmaqorik klassik məhəbbət hekayətidir. Qadının ərinə qarşı amansız nifrət hissi əriylə birgə qurduqları telekanalın verilişlərində qəflətən vizual görüntülərlə üzə çıxmağa başlayır.
Filmin əsas obrazı bədbəxt qadındır. O, öz aşnasını ərini öldürməyə sövq edir. Gözlənilməz ölüm bu planı alt-üst edir.