Главная 
ТВ-каналы 
Фильмы 
Ещё 
Vüsal Hacıqədir
8 фильмовВсе фильмы
2017 Kəklikotu Meyvə-tərəvəz satmaq üçün paytaxta gedən dayı və bacıoğlu başqasına çatacaq bir kisə kəklikotunu yolda satırlar. Sən demə, kisədəki kəklikotu yox, qurudulmuş marixuana imiş. Milyonla ölçülən bu əmanətin yiyəsindən yaxa qurtarmaq isə qəliz məsələdir. 
2022 Zona Filmin baş qəhrəmanı sadəlövhlüyü ucbatından şəhərdə qeyri-rəsmi fəaliyyət göstərən kollektor şirkətində işə düzəlir. Onun vəzifəsi banklara və ya fiziki şəxslərə borcu olanlardan həmin borcu almaqdır. İşini uğurla görən qəhrəmanın borcalanlarından biri ölü tapılır və bütün dəlillər ona qarşı olduğuna görə qəhrəman həbs olunur. Filmin əsas hissəsi Quantanamo, Alkatras həbsxanasını xatırladan bir yerdə cərəyan edir. Baş qəhrəman özünün günahsızlığını sübut etmək üçün həbsxanadan qaçış planı düşünür. Amma bu həbsxanadan qaçmaq mümkün deyil. 
2017 Dəmir Qazan Dəmir və Qazan dostdurlar. Dəmir universitetdən qovulmuş kimya müəllimidir. Qazan isə qəssabdır və öz kiçik qəssabxanası var. Dəmir mafiya başçısına bahalı maddə söz verir və söz verdiyi vaxta maddəni təhvil verə bilmir. Dəmiri mafiya adamları incidir və buna görə də o dostu Qazandan kömək istəyir. Necəsə işə polis əməkdaşları qarışır. Polisin çantası ilə Dəmirin çantası dəyişik düşür. Dəmir vəziyyətdən çıxmaq istədikcə vəziyyət daha çox pisləşir. Sevda adında polis xanımın köməkliyi ilə dostlar vəziyyətdən çıxırlar. 
2022 Geri Dönənlər İllərdir dost olan 7 nəfər şam yeməyində görüşür. Onlar bir oyun oynamağa qərar verir. Qaydalara əsasən dostlar mesajlarını, zəngləri bir-biri ilə paylaşmaq məcburiyyətində qalırlar. Bu zaman onların sirləri ortaya çıxır və hadisələr fərqli tərəfə yönəlir. 
2017 Bir zamanlar Şəkidə Rus mafiyozu Yurinin sağ əli olan Nikolay, ona xəyanət edərək əfsanəvi “Şərqin ürəyi” adlı almazın xəritəsini oğurlayır və İstanbula qaçır. Xəritə həm sərvət, həm də təhlükə deməkdir. Yuri dərhal adamlarını Nikolayın ardınca göndərir.
İstanbulun Kuzey meşəsində başlayan qaçdı-tutdu gözlənilməz bir dönüş alır: xəritə təsadüfən üç başıpozuq, amma şanslı türk gəncin — Dərya, Tayfun və Sedatın əlinə keçir. Xəritənin xəzinə xəritəsi olduğunu anlamayan üçlük, məsələni çözmək üçün İstanbulda yaşayan azərbaycanlı bir professorun yanına gedir.
Professorun araşdırması nəticəsində məlum olur ki, dünyaca məşhur “Şərqin ürəyi” almazı Azərbaycanın qədim şəhəri Şəkidə gizlədilib. Üçlük böyük sərvət xəyalı ilə Şəkiyə doğru yola çıxır, amma peşəkar ovçular da onların izindədir.
Bir tərəfdən Yurinin amansız adamları, digər tərəfdən isə fürsəti əldən vermək istəməyən azərbaycanlı mafiyoz Rüstəm öz dəstəsi ilə Şəkiyə gəlir. Şəkinin tarixi küçələri, karvansaraları və dağ yolları qaçışlar, səhvlər, qarışıqlıqlar və gülməli qarşıdurmalarla dolur.
Fərqli mədəniyyətlərdən gələn bu rəngarəng personajlar üçün hər şey bir almaz, bir xəritə və saysız yanlış anlaşılma üzərində cərəyan edir. Komediya ilə aksiyonun iç-içə keçdiyi bu macərada heç kim planladığı kimi davranmır və “Şərqin ürəyi” hamının həyatını dəyişəcək son sürprizi hazırlayır. 
2021 Olimpia Bu fərqli həyat hekayəsi 1980-ci ildə SSSRi paytaxtı olan Moskva şəhərində başlamış, 2015-ci ildə Azərbaycanın mənzərəli şimal-qərb bölgələrindən birində davam etdi və uzaq Kubada sona çatmışdır. Moskva Olimpiadasının bürünc mükafatçısı İlqar Süleymanov çoxdan peşəkar idmandan uzaqlaşaraq doğma qəsəbəsində sakit bir həyat yaşayır. İlqar yerli orta məktəbdə bədən tərbiyəsi dərsini apaprır, tez-tez radio dinləyir və boş vaxtlarını həmkarları - ən yaxın dostları Valeh və Dadaşla keçirir. Dostlar hər şənbə-bazar günlərini qəsəbədən bir az aralıqda yerləşən gölün sahilində balıq tutaraq, şən zarafatlar edərək, ev çaxırırından içərək həyatlarından həzz alırlar. Lakin hər axşam İlqar evə tək qayıdır, çünki şən olmasına baxmayaraq o tənha bir insandır. Nə ailəsi, nə uşaqı, nə gələcəyə bir baxışı, planları, inamı…Günlərin bir günü İlqarın evinin qapısı döyülür və həyatı tamamilə dəyişir. 
2026 Akinak Filmdə bir neçə yeniyətmə qəhrəman akinak qılıncını əldə etmək üçün təhlükəli və çətin səfərə çıxırlar. Onlar bu səfərdə müxtəlif sınaqla üzləşir, sədaqət, dostluq və cəsarətin əsil mənasını anlayırlar. Filmdə vətənpərvərlik və macəra motivləri vacib yer tutur. 
2017 Hozu Film kəndli balası Hətəmin başına gələn əhvalatdan söz açır. Filmin baş qəhrəmanı Hozu ucqar kənddən Bakıya öz əmisioğlunun yanına işləməyə gəlir. Əmisioğlu şirkət müdiridir. Əmisioğlu Ramiz narazı olmasa da həyat yoldaşı Səbinə Hozunun gəlişinə və evində qalmasına etiraz edir. Buna baxmayaraq Hozu gəlir və gəlişi ilə niyə Hozu ləqəbini daşıdığını nümayiş edir. Səbirli olsa da Səbinənin səbri daşır və rəfiqəsi Həlimə (Sevincin) vasitəsilə Hozunu Bakıdan kəndə geri göndərir. Lakin Hozu gedəndən sonra Həlimə (Sevinc) başa düşür ki, Hozunu sevir. Amma artıq gecdi, çünki Hozu kənddə toy edir.