Namiq Ağayev - все фильмы, фото, биография

2017 OL Biri ssenarist, biri rejissor olan iki qardaşın ərsəyə gətirdiyi film uğursuz alınıb. Elə premyera günü onlar, pulları batmış sponsorlar tərəfindən şiddətli şəkildə döyülürlər və gecə yarısı küçəyə atılırlar. Şəhər küçələrini sərgərdan dolaşaraq evlərinə doğru piyada gedən qardaşlar bir gecə klubunun yanından keçirlər. Birdən taleyin hökmü kimi gecə klubundan qarşılarına özləri kimi döyülmüş bir qız çıxır. Onlar bu qıza növbəti fəaliyyətləri üçün bir stimul, ilham pərisi kimi baxırlar və onu evlərinə gətirirlər. Sübh tezdən həyatlarında yeni səhifə açırlarmış kimi qızla bərabər yeni ssenari yazıb yaratmağa başlayırlar. Məsələ də ondadır ki, adını 'OL' qoyduqları ssenaridə baş verən hadisələrin qəhrəmanları özləri olurlar. Смотреть

2016 Axınla Aşağı Əli (Namiq Ağayev) Mingəçevir şəhərində yaşayan avarçəkmə müəllimidir. O, nə həyat yoldaşı ilə, nə də yeniyetmə oğlu ilə yola gedir. Eyni zamanda onunla birgə çalışan polşalı qadın sevgilisi (Aleksandra Andreyevska) ona birlikdə xaricə getməyi təklif edir. Hər dəfə bu təklifə Əli tərəddüd edir. Əli daxilən özünü tənha hiss edir. Və xoşbəxtliyi öz ailəsində deyil başqalarında axtaran zəif iradə sahibi və qərarsız biridir. Bu xarakteri də onun ailəsində problemlər yaradır. Qonşu qadın (Gülşad Baxşıyeva) onun həyat yoldaşı Leylaya (Mehriban Zəki) ərinin başqasıyla görüşdüyünü eyham vurur. Leyla isə əsl fədakar azərbaycanlı qadın tipajıyla qonşuya mən ona inanıram deyə cavab verir. Əlinin oğluyla (Elmin İmamverdiyev) problemləri də filmin əsas mövzularından biridir. İlk səhnədən o oğlunu digərlərinin yanında təhqir edir və başqalarının yanında mənə ata demə deyə onu alçaldır. Ata oğlunu avarçəkənlərin kapitanı etsə də, sonradan idman yarışlarına az qalmış oğlunun kapitan 'rütbə'sini əlindən alıb, başqasına verir. Bu hadisədən sarsıntı keçirən oğlan özünü suya atır və qeybə çəkilir. Əli və Leylanın öz itkin düşmüş oğullarını axtarması filmin əsas hissəsinə çevrilir. Bu axtarış onların dağılmış ailəsini nisbətən təmir etməyə başlayır. Peşmançılığı üzünə yansıyan Əlinin bu iztirablı axtarışı, Leylanın keçirdiyi daxili təlatüm müəllif tərəfindən dəqiq göstərilmişdir. Onlar oğullarını axtarmaq məqsədilə birləşirlər və belə anda onları polşalı qadın da ayıra bilmir Смотреть